नुनको अधिक उपभोग स्वास्थ्यका लागि घातक हुने भएकाले दैनिक ५ ग्रामभन्दा कम नुन खान विज्ञहरुले सुझाएका छन् । पछिल्लो समयमा नेपालमा उच्च रक्तचापको समस्या बढ्दै गएको तथ्यांकहरुले देखाएका छन् ।
नेपालमा नुनमा आयोडिन पनि फोर्टिफाई गरिएको हुदा नुन धेरै खादा आयोडिन पनि धेरै खाइने भएकाले सोडियमसँगसँगै अर्को तिर आयोडिनको मात्रा पनि चाहिनेभन्दा बढि भएर शरिरमा असर पर्दछ ।
उच्च रक्तचापका कारण मृगौला विग्रिने, मष्तिस्कका नशाहरु फुट्नेजस्ता गम्भिरसमस्याहरु देखा पर्दछन् । पछिल्लो समय उच्चरक्तचाप संसारभर नै मृत्युको मुख्य कारण मध्ये एक हो ।
वयस्कले दैनिक ५ ग्रामभन्दा कम नुन खान विश्व स्वास्थ्य संगठनले सुझाएको छ ।
