विश्व स्वास्थ्य संगठनले कोरोना भाइरसबाट हुने रोगको औपचारिक नाम कोभिड–१९ दिएको छ। भाइरसको नँया नाम तीन वटा शब्द कारोना, भाइरस र डिजीज र २०१९ सालको संयोजनमा बनाइएको हो ।
अनुसन्धानकर्ताहरूले नामका कारण कुनै देश वा समुदायलाई अप्ठ्यारो नपरोस् भनेर उक्त भाइरस र त्यसले गराउने रोगको नाम सरल हुनुपर्ने औँल्याएका थिए। कोरोनाभाइरस पदावलीले एउटा भाइरसलाई मात्रै नभएर अहिले फैलिएको समेत विभिन्न भाइरसको समूहलाई जनाउँछ ।
चीनमा कोरोना भाइरसबाट मृत्यु हुनेको संख्या १ हजार १ सय १४ पुगेको छ । करीब ४४ हजार ७ सय ३० जना उक्त भाइरसबाट संक्रमित भएका चिनीयाँ सिजिटियनले उल्लेख गरेको छ । चीनबाहेक अन्य देशमा संक्रमित हुनेको संख्या ३ सय ९७ पुगेको बताइएको छ । चीन बाहिरका देशमा हालसम्म दुई जनाको मृत्यु भएको छ । कोरोना नियन्त्रणमा सघाउन विश्व स्वास्थ्य सगंठनले पठाएको चिकित्साशास्त्रीहरूको टोली बेइजिङ पुगेका छन् ।
