धेरैजसोको जाडायामको शनिबार घाम ताप्दै सुन्तला र बदाम खाएर बित्छ । सुन्तला खानमा जति रसिलो छ उत्ति नै पोषिलो पनि छ । सबै उमेरकालागि सुन्तला फाइदाकर फल हो । सुन्तलाको सेवनले शरीर स्वस्थ रहन्छ, स्फूर्ति बढ्छ, छालामा निखार आउछ र सौन्दर्यमा वृद्धि हुन्छ ।
सुन्तलामा भएको साइट्रिक एसिड मूत्र र मृगौला रोगलाई कम गर्न फाइदाकर मानिन्छ । सुन्तलामा भएका फाइबरले पेटको सफाइसमेत गर्छ । सुन्तलालाई नियमित आहारमा सामेल गर्नाले रुघा–खोकी, रक्तस्रावको समस्या कम हुन्छ । पाचन प्रणाली स्वस्थ रहन्छ ।
आयुर्वेदका अनुसार सुन्तलाको नियमित सेवनले पाइल्स रोगमा समेत लाभ पुर्याउँछ । यसमा रक्तस्राव रोक्ने क्षमतासमेत रहेको हुन्छ । सुन्तलाको बोक्रालाई पिसेर अनुहारमा लगाउँदा यसले दाग तथा कालोपोतो हट्नुका साथै अनुहारमा चमक आउँछ । बालबालिका, बूढापाका तथा रोगीलाई दुर्बलता हटाउन सुन्तला फाइदकर छ ।
