हेटौंडा । हेटौंडामा रहेको बहुराष्ट्रिय कम्पनि युनिलिभर नेपाल लिमिटेडको म्याद सकिएको चिया पत्तिमा रिलेबल गरेको केसमा अनुसन्धान गर्न खाद्य प्रबिधि तथा गुण नियन्त्रण कार्यालय हेटौंडाले अनुसन्धान अधिकारी तोकेको छ ।
खाद्य प्रबिधि तथा गुण नियन्त्रण कार्यालय हेटौंडाले कारबाहीको प्रक्रिया र प्रयोगशाला परिक्षणका लागि खाद्य प्रबिधि तथा गुण नियन्त्रण बिभाग, काठमाडौमा लेख पठाएकोमा विभागले युनिलिभरमा मुजुल्का उठाएकै आधारमा कार्बाही गर्नका लागि निर्देशन दिए लगतै अनुसंधान अधिकारी तोकेर कार्बाही प्रकृया अगाडी बढाइएको छ ।
युनिलिभरमा ३२ टन डेट एक्स्पायर चिया भेटिएपछि प्रशासने यही भदौ १७ गते सिल गरिएको थियो । अनुगमनका क्रममा गरिएको शिलवन्दी अहिलेनै कायमनै रहेको छ ।
भारतबाट आयात गरिएको म्याद गुज्रिएको चियापत्तिलाई रिप्याकेजिङ गरी रेड लेबल चियाको ब्राण्डमा बजार पठाउने गरेको फेला पारिएसँगै सिल गरिएको थियो । विशेष सूचनाको आधारमा स्थानीय प्रशासन, खाद्य प्रविधि तथा गुण नियन्त्रण कार्यालय, उपभोक्ता हित संरक्षण मञ्चसहितको संयुक्त अनुगमन टोलीले उद्योग परिसरमा रहेको चियापत्ति प्लाण्टमा अनुगमन गरेको थियो ।
