काठमाडौ । सरकारले नवजात शिशुको जीवन रक्षाका लागि मानव दूधको भण्डारण गर्न ह्युमन मिल्क बैंक स्थापना गर्ने भएको छ । परिवार कल्याण महाशाखाका निर्देशक डा. तारानाथ पोख्रेलका अनुसार यस बर्ष परोपकार प्रसूति तथा स्त्रिरोग अस्पताल, थापाथलीमा ह्युमन मिल्क बैंक (आमाको दुध भण्डारण गर्ने केन्द्र) स्थापना हुन लागेको हो ।
जन्मेदेखि ६ महिनासम्मका शिशुलाई आमाको दूध मात्रै खुवाउनुपर्ने र पाउडर दूध खुवाउदा विभिन्न जोखिम हुने भएकाले प्रशस्त दूध आउने आमाको दूध संरक्षण गरेर राख्न ‘ह्युमन मिल्क बैंक’ स्थापना गर्न लागिएको परिवार कल्याण महाशाखा अन्तरगतको पोषण शाखा प्रमुख केदारराज पराजुलीले जानकारी दिए । शाखा प्रमुख पराजुलीका अनुसार मिल्क बैंक स्थापनाका लागि यस आर्थिक बर्षमा एक करोड पाँच लाख रुपैयाँ बजेट छुट्याएको छ ।
नेपालमा पहिलो पटक स्थापना गर्न लागिएको ह्युमन मिल्क बैंकमा आप्mनो शिशुलाई खुवाएर बढि भएको दूध आमाहरुले स्वयम्सेवि रुपमा दान गर्न सक्नेछन् । त्यसरी संकलन भएको दूधलाई मेसिनमा तापक्रम मिलाएर राख्ने र तत्काल दूध नआएका वा आमाको मृत्यु भएका नवजातहरुलाई खुवाउन सकिनेछ । मिल्क बैंकले स्तनपानलाई प्रबद्र्धन गर्न र शिशु मृत्युदर घटाउन ठुलो योगदान गर्ने विज्ञहरु बताउछन् ।
.
