काठमाडौँ । चालु आर्थिक वर्षमा ३ सय ९ स्थानीय तहमा १५ शय्याको अस्पताल बनाउँदै लक्ष्य अनुसार सबै स्थानमा आज अस्पतालको शिलान्यास गरिँदै छ ।
सबै स्थानीय तहमा ५ देखि १५ शय्यासम्मका आधारभूत अस्पताल बनाउने सरकारको निर्णयअनुसार यसलाई नीति तथा कार्यक्रममा समावेश गरिएको थियो । अहिले ७ सय ५३ पालिकामध्ये १ सय ४ वटामा मात्रै विभिन्न तहका अस्पताल छन् ।
स्वास्थ्य मन्त्रालयका अनुसार अस्पताल नरहेका ६ सय ४९ पालिकामा आगामी दुई वर्षभित्र कम्तीमा १५ शय्याको अस्पताल सञ्चालनमा ल्याउने लक्ष्य राखिएको छ । चालु आर्थिक वर्षमा ३ सय ९६ पालिकामा र अन्यमा आगामी वर्ष अस्पताल निर्माणको काम सुरु गर्ने सरकारले लक्ष्य लिएको छ । गाउँ/नगरपालिकाले जग्गा व्यवस्थापन गरिसकेका स्थानहरूमा आज र अन्यमा एक साताभित्र अस्पतालको शिलान्यास गरिनेछ ।
