चिनबाट सुरु भएको कोरोना भाइरसको संक्रमण विश्वभर फैलिइरहेको छ । मंगलबार साझसम्म संसारभर १,१६,४५८ जना संक्रमित भइसकेका छन भने ४,०९१ जनाको मृत्यु भएको छ । हालसम्म संक्रमित मध्ये ६४,७५० जना उपचार गरि निको भएका छन । विश्व्भर फैलने क्रममा रहेको भाइरसबाट छिमेकि मुलुक भारतमा पनि हालसम्म ५६ जना संक्रमित भेटिएका छन् । नेपाल संक्रमणको दृष्टिले उच्च जोखिममा रहेको विश्व स्वास्थ्य संगठनले बताइसकेको छ ।
हालसम्म कोरोना भाइरसको रोकथाम तथा उपचारका लागि कुनै विशेष औषधि उपलब्ध बनिसकेको छैन। रोग प्रतिरोधि क्षमता बजबुद बनाई भाइरससँगको शरिरको लडाई जिताउनु नै यसको संक्रमण भएपछिको उपचार हो । संक्रमण हुन नदिन भने सामान्य सावधानीले पनि काम गर्न सक्छ ।
- मानिसहरूको जमघट, भिडभाडमा नजाने,
- पटक पटक साबुनपानीले मिचिमिचि हात धुने,
- भिटामिन सियुक्त फलहरु जस्तै: कागती, अमला, किवि, जुनार, ब्रोकाउली, अमला, अम्बा, पालक तथा अन्य सागहरु, क्याप्सिकम, लिचि, मेवा, स्ट्रबेरी आदि नियमित खाने,
- मनतातो पानी पिइरहने,
- पोषिलो झोलिलो खानेकुरा, सुप खाने,
- चिन्तामुक्त रहने,
- ज्वरो आएमा, भाइरसको संक्रमण भएमा प्रशस्त आराम गर्ने,
- फ्लुजस्तो लक्षण देखिएमा अन्य व्यक्तिबाट टाढै रहि तुरुन्तै चिकित्सकसँग परामर्श गर्ने,
- आफु सचेत रहने, अरुलाई पनि सचेत गराउने ।
थप जानकारीका लागि विश्व स्वास्थ्य संगठनको यो भिडियो हेर्नुहोस ।
