युनिलिभरलाई कारबाही गर्न उपभोक्ता हित संरक्षण मञ्च नेपालको माग

काठमाडौ । उपभोक्ता हित संरक्षण मञ्चले युनिलिभर नेपाल लिमिटेडलाई कारबाही गर्न माग गरेको छ । म्याद नाघेको तथा गुणस्तरहिन चिया पत्ति बिक्रि गरेको पाइएको भन्दै मञ्चले विज्ञप्ती निकालेर कारबाहीको माग गरेको हो ।

विज्ञप्तीमा उल्लेख गरिएअनुसार उपभोक्ता हित संरक्षण मञ्च नेपाल, खाद्य प्रविधि तथा गुण नियन्त्रण कार्यालय हेटौडा र स्थानीय जनप्रतिनीधिहरुको संयुक्त अनुगमन टोलिले युनिलिभर नेपाल लिमिटेडको हेटौडास्थित चिया प्रशोधन कक्षमा अनुगमन गर्दा म्याद नाघेको तथा न्युन गुणस्तरको चिया बिक्रि गर्ने गरेको पाइएको थियाे ।

मञ्चका उपमहासचिव विष्णु प्रसाद तिमिल्सिनाद्धारा हस्ताक्षरित विज्ञप्ती अनुसार अनुगमनको क्रममा उपभोग्य अवधी नाघी म्याद गुज्रेको, उपभोग्य मिति नै उल्लेख नगरिएका र लेवल विवरणमा मार्करले लेखेका ३५ के.जी. तौलका करिव ९२० बोरा चिया फेला परेकोले उक्त चिया बरामद गरी उक्त उद्योगको प्रशोधन कक्ष शिलबन्दी गरिएको थियो । कानून बमोजिम लेवल नभएका म्याद गुजेको गुणस्तरहिन चियालाई प्रशोधन गरी महङ्गो मूल्यमा उपभोक्तालाई बजारमा बिक्रि वितरण गर्ने गरेकाे पाइएकाले कडा कारबाही गर्न मञ्चले माग गरेको छ ।

प्रशोधन कक्षबाट गुणस्तरहीन अखाद्य वस्तु चिया बरामद भई सकेको अवस्थामा दोषि उपर हालसम्म कुनै कारवाही नभएको र उल्टै कम्पनीको तर्फबाट कारवाही निस्तेज गर्ने गरी थप अनुचित कामकारवाही भइरहेको मञ्चले विज्ञप्तीमा उल्लेख गरेको छ । “दोषि उपर कारवाही नचलाउने, कमजोर कानून प्रयोग गर्ने, कारवाहीलाई निस्तेज पार्ने, मञ्चका अधिकारकर्मी उपर धम्की दिने जस्ता कुनै गतिविधि कसूरदार र सम्वद्ध नियामक निकायबाट भए आम उपभोक्तालाई सैह्य नहुने व्यहोरा समेत अवगत गराउदछौ” विज्ञप्तीमा भनिएको छ ।

LEAVE A REPLY

Please enter your comment!
Please enter your name here

भर्खरै

कोरोना माहमारीपछि कोदो खेतीमा वृद्धि

स्याङ्जा । कोभिड–१९ ले धेरै कुरालाई प्रभावित पारेको भए पनि कृषि क्षेत्रमा भने यसको सकरात्मक प्रभाव पारेको छ ।...

पोषण संवेदनशील कृषि कार्यक्रम सम्बन्धी २ दिने तालिम सम्पन्न

पाल्पा । स्थानीय तहका कृषि तथा पशु सेवा शाखा प्रमुखहरुलाई पोषण संवेदनशील कृषि कार्यक्रम सम्बन्धी २ दिने तालिम सम्पन्न...

तोरी खायो मौरीले बोलको गीत सच्याउन माग

काठमाडौँ । ‘हान्छु तिम्लाई लौरी’ले भन्ने गीतमा ‘तोरी खायो मौरीले’ शब्द प्रयोग भएकोप्रति आपत्ति जनाइएको छ । शुभारम्भ डिजिटल...

युनिलिभरलाई कारबाही गर्न उपभोक्ता हित संरक्षण मञ्च नेपालको माग

काठमाडौ । उपभोक्ता हित संरक्षण मञ्चले युनिलिभर नेपाल लिमिटेडलाई कारबाही गर्न माग गरेको छ । म्याद नाघेको तथा गुणस्तरहिन...

अन्य सम्बन्धित